உலகநாயகன் தான் தமிழகத்துக்கு மிக அவசியமான அரசியல் நாயகனா ?

Politics

உலகநாயகன் தான் தமிழகத்துக்கு மிக அவசியமான அரசியல் நாயகனா ?

Illustration: Sushant Ahire / Arré

கமல்ஹாசனின் அரசியல் விமர்சனங்கள் அவரின் திரைப்பட வசனங்களை விட சர்ச்சைக்குள்ளாவது விசித்திரமானது. ஆனால் கடந்த இருபது ஆண்டுகளுக்கு மேலாக, தமிழகத்தில் மிகப்பெரும் ஆளுமை கொண்ட புரட்சித்தலைவி ஜெயலலிதாவின் மர்மமான மரணத்திற்குப் பின் தமிழகத்தில் எதுவும் நடக்கக்கூடும் என்ற எண்ணம் தோன்றுகிறது.

தமிழகத்தின் முக்கிய அரசியல் தலைவர்களே என்ன நடக்கவிருக்கிறது என்று தெரியாமல் எதிர்பார்த்து, தங்களின் மனக்கணக்குகள் போட்டுக்கொண்டிருக்கும் இந்த நேரத்தில், நமது பிக் பாஸ் அரசியலுக்கு வருகை தந்துள்ளார். ஆனால் “நாலு பேருக்கு நல்லது செய்யணும்னா, என்ன வேணாலும் செய்யலாம்” என்று சொன்ன நாயகனுக்கு இது தான் உரிய முடிவு என்று தோன்றிருக்கலாம்.

கமல்ஹாசன் தன் வழியிலே, அரசியல் பாடங்களை கற்றுக்கொண்டிருக்கிறார். உதாரணம் – மையம் whistle என்ற கைபேசி செயலி. மக்களை சென்றடைய அவரின் முதல் முயற்சி. கடந்த சில வாரங்களாக, வருவாரா வரமாட்டாரா என்ற குழப்பம் நிலவியது. மாநில மற்றும் மத்திய அரசைச் சாடி அவர் ட்வீட் செய்ததே இதற்கு காரணம். அவர் தன் எண்ணங்களில் தெளிவாக இருந்தாலும் அது தெளிவாக மக்களுக்கு சென்றடையவில்லை. ஜெயலலிதா இதற்கு பேர்போன தலைவி. ஊடகங்களும் அவரை அரசியல் களத்தில் முன்னிறுத்த மும்முரமாக இருந்தன.

Advertisement

கமல்ஹாசனின் கவனமான செயல்ப்பாடு, ஊடகங்களுடன் தனது உறவு மற்றும் நட்சத்திர அந்தஸ்து அனைத்தும் அரசியலுக்கு சாதகம் தான்.

தமிழ் மக்களுக்கு ஆட்சியை நட்சத்திரங்களை நம்பி கொடுப்பது ஒன்றும் புதிதில்லை.
ஆனால் உலகநாயகனுக்கு இந்த நம்பிக்கை நிஜம் ஆகுமா?

அவர் எல்லா திசைகளிலும் தனது அஸ்திரங்களை வீசுகிறார். எண்னுரை பார்வையிட்டு சுற்றுசுழல் சீர்கேடு குறித்து பேசினார். ஆனந்த விகடனில், தான் எழுதி வரும் வாரக் கட்டுரைகளில், மத்திய அரசுக்கு இஸ்லாமிய தீவிரவாதத்தை பற்றி பேச தகுதி இல்லை ஏனென்றால் அவர்களின் குடாரத்துகுள்ளையே தீவிரவாதம் புகுந்து உள்ளது என்று தைரியமாக குறிப்பிட்டார். தமிழ் திராவிட கட்சிகள் இரண்டுமே இந்த விஷயத்தில் தனது வார்த்தைகளை மிக கவனமாகவும் பாதுகாப்பாகவும் தான் பயன்படுத்திருக்கிறது. இதனால் கமல்ஹாசனுக்கு பல கொலை மிரட்டல்கள் குவிந்தன. வருமான வரி துறையை பொறுத்த வரையில் அவருக்கு நற்ச்சான்று தான். இது போதாதா, இருக்கும் அரசியல்வாதிகளை விட கமல்ஹாசன் சிறந்தவர் என்று சொல்லிக்கொள்ள. இது தானே மக்களும் எதிர் பார்க்கிறார்கள்.

கமல்ஹாசன் அல்லது ரஜினிகாந்த் (அவர் இன்னொரு தோட்டா, சினிமா என்னும் துப்பாகியிலிருந்து அரசியலை நோக்கி கிளம்ப) எம்.ஜி.ஆர் பாணியில் அரசியலில் ஜெயித்தால் வழக்கத்துக்கு மாறாக தான் இருக்கும் என்று ஒரு எண்ணம்.

கமலை பார்க்க வரும் ரசிகர்கள் திரையில் தலைவனை தேடுவதில்லை. ஒரு நடிகனை பார்க்கிறார்கள். அவரின் 30 அடி கட்-அவுட்க்கு பால் அபிஷேகம் செய்யும் ஆரவாரம் இல்லை.
(Getty Images)

எம்.ஜி.ஆர் தமிழக அரசியல், மொழி, சித்தாந்தம், கலாச்சாரம் இவை அனைத்தும் திராவிட இயக்கம் என்ற மாபெரும் சக்தியுடன் ஒன்றிணைந்து வலுவாக மேலோங்கி இருந்த நேரத்தில், கோலோச்சியவர். ஆயிரத்தில் ஒருவன் (1965) போன்ற பல திரைப்படங்களில், அவரின் கதாபாத்திரங்கள், மக்களில் ஒருவராகவும், மக்களுக்கான தலைவராகவும் அவரை அடையாளப்படுத்த உதவியன.

தி.மு.கவிலிருந்து பிரிந்து தனி கட்சி தொடங்கியதும் வரவேற்கப்பட்டது. அவர் தன் ரசிகர் மன்றங்களை கட்சியை போல் கண்டிப்பான நிர்வாகத்துடனும், கட்சி சின்னதுடனும் சீராக வழிநடத்தி சென்றார். அது ரசிகர் மன்ற நிர்வாகிகளுக்கு, கட்சி தொண்டர்களாக, உறுப்பினர்களாக உருவாக வாய்ப்பளித்தது. இது தமிழகத்தில், தலைவன் என்ற வார்த்தைக்கு ஒரு புது உருவம் குடுத்தது.

கமல்ஹாசனுக்கு அதை போல் உருவம் கிடையாது. காரணம், அவரை பார்க்க வரும் ரசிகர்கள் திரையில் தலைவனை தேடுவதில்லை. ஒரு நடிகனை பார்க்கிறார்கள். அவரின் 30 அடி கட்-அவுட்க்கு பால் அபிஷேகம் செய்யும் ஆரவாரம் இல்லை.

சிவாஜி கணேசனின் பாணியில் கமலின் அரசியல் பிரவேசம் இருக்குமா என்று பொருத்திரிந்து பார்க்கணும். சிவாஜி திராவிட இயக்கத்துடன் அரசியலில் களம் இறங்கி, பின் காங்கிரஸ் கட்சியுடன் இணைந்தார்.
ஜானகி எம்.ஜி.ஆருக்கு காங்கிரஸ் ஆதரவு அளிக்க மறுத்தபோது, அவர் தன் சொந்த கட்சியை துவங்கினார். எம்.ஜி.ஆரை விட சிறந்த நடிகரான சிவாஜிக்கு அரசியல் பிரவேசம் தோல்வியில் முடிந்தது. அரசியலில் வெற்றிகொள்ள நல்ல நடிகராக இருந்தால் மட்டும் போதாது, மக்களில் ஒருவராகவும் அடையாளம் கொள்ள வேண்டும் என்பதற்கு இது இன்னொரு எடுத்துக்காட்டு.

kamal haasan

சிவாஜி கணேசனின் பாணியில் கமலின் அரசியல் பிரவேசம் இருக்குமா என்று பொருத்திரிந்து பார்க்கணும்.
(Getty Images)

கமலின் திரைப்பட பாத்திரங்களும் மிக மாறுப்பட்டதாக, அவரின் அரசியல் சாய்வுகளை யூகிக்க முடியாத வகையில் இருக்கின்றன. வறுமையின் நிறம் சிவப்பு (1980) – கம்யூனிஸ்ட் சிந்தனையுடையவர். உன்னால் முடியும் தம்பி (1988) – உயரிய சாதி கர்வம் கொண்ட தன் தந்தையை எதிர்த்தார். தேவர் மகன் (1992) – குறிப்பிட்ட சாதி அரசியலை பெருமைபடுத்தும் விதமாக இருந்தது.

கமலுக்கு இன்னும் நேரம் இருக்கிறது, தன்னை வலிமைபடுத்தி கொள்ள, அரசியல் கற்றுக்கொள்ள. ஆனால் ஜெயலலிதா இருந்த வரையில் அரசியல் ஆசை மற்றும் சின்னத்திரை அவதாரம் எட்டி பார்க்கவில்லை என்பது குறிப்பிடத்தக்கது.

அரசியல் மைதானத்துக்கு இந்த நாயகன் அல்ல உலகநாயகனின் வருகைக்கு பின் ஆட்டம் சூடு பிடித்து உள்ளது. இதுவே இன்றைய நிலை. அரசியலிலும் விஸ்வரூபம் எடுப்பாரா இல்லையா என்று ரசிகர்கள், இல்லை வாக்காளர்கள் நாம் முடிவு செய்ய வேண்டும்.

 
 

மொழிபெயர்ப்பு – ஸச்சின் பாலச்சந்திரன்.

Comments